१२ माघ रुकुम पश्चिम । रूकुम पश्चिममा आफनै घरमा प्रेमि प्रमिका मृत अवस्थामा फेला परेको प्रहरीले जनाएको छ । प्रेम विवाह गर्न भागेका केटाकेटी घरभित्र मृत फेला परेका हुन ।त्रिवेणी गाउँपालिका–४ खुम्चेरी गाउँका १९ वर्षीय लोकेन्द्र खड्का र १९ वर्षकै सपना पुन मगर घरभित्र मृत भेटिएको जिल्ला प्रहरी कार्यालय रुकुम पश्चिमका सूचना अधिकारी ऋषि पाठकले जानकारी दिनु भयो ।सपना वडा नम्बर ६ की हुन्। सपना र लोकन्द्र चार दिनअघि विवाह गर्ने भन्दै घरबाट भागेका थिए। स्थानीयले सोधिखोजी गर्दा उनीहरु शनिबार बिहानै ९ बजेतिर लोकेन्द्रकै अस्थायी टहरामा दुवै मृत भेटिएको पाठकले जानकारी दिनु भयो ।
प्रहरीका अनुसार लोकेन्द्रको आमा बिरामी थिइन्। उनका बुबाले श्रीमतिलाई उपचारका लागि नेपालगञ्ज लगेका थिए। त्यही समयमा घरमा यस्तो घटना घटेको हो।
