जाजरकाेट । पशु अस्पताल तथा पशु सेवा कार्यालय जाजरकाेटले चालु आर्थिक वर्षमा बारेकाेट र नलगाड भित्र अनुदान प्राप्त पशुपालन फर्ममा अनुगमन गरेकाे छ।
एक स्थानिय तह एक बाली बस्तु उत्पादन बिशेष कार्यक्रमका लागि अनुदान प्राप्त पशुपालन फर्महरुमा अनुगमन गरेकाे हाे ।
बारेकाेट गाँउपालिका ९ स्थित तुसेनी बाख्रापालन सञ्चालन समितिकाे बाख्रा फर्महरुमा बाख्रा गाेठ निर्माण र नलगाड नगरपालिका १२ स्थित बस्नेत गाँउ भैंसी पालन संचालन समितिकाे भकाराे सुधार कार्यक्रम अन्तरगत अनुगमन गरिएको पशु अस्पताल तथा पशु सेवा कार्यालय जाजरकाेटले जनाएकाे छ ।
तुसेनी बाख्रापालन सञ्चालन समितिलाइ कार्यालयले बाख्रा गाेठ निर्माणका लागि १० लाख अनुदान सहयाेग सहित ४ वटा उन्नत जातका बाेका पनि बितरण गरेकाे र बस्नेत गाँउ भैंसी पालन संचालन समितिलाइ भकाराे निर्माणकाे लागि १० लाख अनुदान सहयाेग सहित २ वटा राँगा बितरण गरीएकाे कार्यालयका सूचना अधिकारी तिलक रानाले बताए ।
उक्त कार्यक्रमबाट करिब ७० घरधुरी लाभान्वित समेत भएकाे रानाकाे भनाइ छ । अनुगमनमा जिल्ला समन्वय समितिका उप प्रमुख दल बहादुर सिंह, जिल्ला प्रशासन कार्यालयका प्रतिनिधि, पशु अस्पताल तथा पशु सेवा कार्यालयका सूचना अधिकारी तिलक राना, प्राविधिकहरु र पत्रकारहरुकाे उपस्थित रहेकाे थियाे ।
