१८ चैत बाजुरा । बाजुरामा चितुवाको आक्रमणबाट एक बालकको मृत्यु भएको प्रहरीले जनाएको छ ।बाजुराको खप्तड छेडेदह गाउँपालिका–३ धुर्तोलाका ८ वर्षीय विजय रावतको आइतबार साँझ चितुवाको आक्रमणबाट मृत्यु भएको हो ।
जिल्ला प्रहरी कार्यालय बाजुराका प्रहरी निरीक्षक देवबहादुर चौधरीका अनुसार घर नजिकै आँगनमा खेलिरहेको अवस्थामा चितुवाले रावतमाथि आक्रमण गरेको थियो । उनको घटनास्थलमै मृत्यु भएको हो ।
