१४ चैत सल्यान । जिल्ला प्रशासन कार्यालय सल्यानमा सेवा लिन पुगेका एक जना सेवाग्राहीको मृत्यु भएको छ।
बिहीबार बिहान करिब ११ बजेतिर बागचौर नगरपालिका वडा नम्बर ७ पैय्याचौरका ७० वर्षीय टीकाराम ओलीको मृत्यु भएको जिल्ला प्रहरी कार्यालय सल्यानका प्रहरी निरीक्षक बाबुराम बस्नेतले जानकारी दिनु भयो ।कार्यालयमा उभिएका उनी एक्कासि लडेका थिए। तत्कालै उनलाई जिल्ला अस्पतालमा उपचारका लागि लगिएको प्रहरीले जनाएको छ ।उनका अनुसार अस्पतालमा पुर्याएलगत्तै चिकित्सकले ओलीलाई मृत घोषणा गरेको थियो।
