दल्ली । जिल्लाको नलगाड नगरपालिका —१३ सिउनमा रहेको सामुदायिक स्वास्थ्य इकाईका प्रमुख एक महिनादेखि हाजिर नभएको पाईएको छ । गत फागुन १७ गते देखि इकाई प्रमुख मोतिराम विष्ट हाजिर नभएको पाईएको हो । प्रमुख विष्ट सामुदायिक स्वास्थ्य इकाईमा हाजिर नहुँदा स्वास्थ्य सेवा पाउन बाट स्थानीय वञ्चित भएका छन् ।
स्थानीयहरुले अहिले प्रेस विज्ञप्ती जारी गर्दै पटकपटक इकाई प्रमुख विदा नलिई जाने गरेको र पछि आएर एकमुष्ट हाजिर गर्ने गरेको गुनासो गरेका छन् । वर्थिङ्ग सेन्टरको सामग्री खदिर गर्छु भनी गएका प्रमुख विष्ट अहिले सम्म कार्यालयमा आएका छैनन् । स्वास्थ्य इकाईमा सेवा प्रवाह भन्दा राजनीतिक दलका कार्यक्रममा बढी सक्रिय हुने भएकोले स्थानीयले कार्वाहीको माग समेत गरेका छन् ।
इकाईमा ताला समेत लगाईएको छ । ताला लागेपछि सेवा प्रवाह ठप्प भएको थियो । पछि स्थानीयको सल्लाहमा ताला खोलिएको बुझिएको छ । प्रमुख विष्टलाई स्वास्थ्य क्षेत्रमा लाप्रवाही गरिरहेको भन्दै कार्वाहीको माग स्थानीयले गरेका छन् । अहिले आधारभुत स्वास्थ्य सेवा पाउन नसक्दा स्थानीय मारमा परेका छन् । प्रमुख विष्टलाई सम्पर्क गर्न खोज्दा सम्पर्क हुन सकेन् ।
