५ चैत रोल्पा । रोल्पामा एक युवक मृत अवस्थामा फेला परेका छन । रोल्पा प्रहरीका अनुसार मृतक युवा बाँकेका रहेको बताइएको छ ।
बाँकेको नेपालगञ्ज घर भई रोल्पास्थित मामाघरमा गएका २३ वर्षीय उमेश बुढामगर रोल्पाको जंगलमा मृत फेला परेको प्रहरीले जनाएको छ ।रोल्पाका प्रहरी प्रवक्ता प्रहरी निरीक्षक रोहितकुमार शाहीका अनुसार मगर रोल्पा नगरपालिका–९ हानवाङस्थित सालघारी सामुदायिक वनमा सोमबार मृत फेला परेका थिए।
स्थानीयले शव देखेपछि प्रहरीलाई खबर गरेका थिए। खबर पाएपछि प्रहरी चौकी माडीचौरबाट प्रहरी सहायक निरीक्षक केशरबहादुर घर्ती मगरको कमाण्डमा तीन सदस्य टोली घटनास्थल पुगेको थियो। थप अनुसन्धानका लागि जिल्ला प्रहरी कार्यालय रोल्पाबाट प्रहरी निरीक्षक रोहितकुमार शाहीको नेतृत्वमा सात जनाको टोली पुगेको थियो। मगरको मृत्यु भिरबाट लडेर भएको हुन सक्ने प्रहरीको आशंका छ।
