२५ पुस, दाङ । दाङ प्रहरीले चरेससहित तीन जनालाई पक्राउ गरेको छ ।प्रहरीका अनुसार पक्राउ पर्नेहरुमा प्यूठान स्वर्गद्धारी नगरपालिका २ बस्ने वर्ष ३९ को निमबहादुर आले, नौबहिनी गाउँपालिका २ बस्ने वर्ष २१ की देउकली बुढामगर र रोल्पा त्रिवेणी गाउँपालिका ७ बस्ने वर्ष २९ को प्रकाश घर्ती मगर छ्न् ।
प्रहरीले उनीहरूको साथबाट २४ किलो ७१० ग्राम चरेस बरामद भएको जिल्ला प्रहरी कार्यालय दाङका प्रवक्ता, प्रहरी नायव उपरीक्षक ईश्वर थापाले पत्रकार सम्मेलनमा जानकारी दिनु भयो ।गोप्य सूचनाको आधारमा पिछा गर्दै जाँदा बुधबार उनीहरुलाई पक्राउ गर्न सफल भएको प्रहरीले जनाएको छ।
