८ पुस बाँके । बाकेमा जमिन मुनिबाट सुन निकालिदिन्छु भनी ठगी गर्ने व्यक्ति पक्राउ परेका छन । जमिन मुनिबाट सुन निकालिदिन्छु भनी रकम ठगी गरेको अभियोगमा भारत उत्तरप्रदेश बलरामपुर सिहपुरी बस्ने ४२ वर्षीय सदाबुद्दिन हलवाईलाई प्रहरीले पक्राउ गरेको छ ।
हलवाईले नेपालगन्ज उपमहानगरपालिका १९ स्थित मोहनपुर ईट्टाभट्टा रहेको जमिनभित्र सुन रहेको र उक्त सुन निकालिदिन्छु भन्दै पीडितबाट पटक पटक गरी २ करोड रुपैयाँ ठगी गरेको भन्ने पीडितको उजुरीको आधारमा जिल्ला प्रहरी कार्यालय बाँकेबाट खटिएको प्रहरीले उनलाई नेपालगन्ज उपमहानगरपालिका ४ बसपार्कबाट पक्राउ गरेको हो ।
