२३ कात्तिक सुर्खेत । सुर्खेतमा भएको गाडी दुर्घटनामा मृत्यु हुनेको संख्या चार पुगेको छ।
बिहीबार दिउँसो दैलेखबाट सुर्खेत आइरहेको कर्णाली प्रदेश ०२००१ ख ९९८ नम्बरको हायस गाडी सुर्खेत र दैलेखको सीमानामा पर्ने रातानाङ्लामा दुर्घटनामा परेको थियो।दुर्घटनामा परी दैलेखको भैरबी गाउँपालिका–५ का गाडी चालक ३८ वर्षीय सुरेश केसी, भैरबी गाउँपालिका–२ का ३६ वर्षीय कर्णबहादुर विष्ट, भैरबी गाउँपालिका–२ कै १६ वर्षीया दीपिका महतारा र २१ वर्षीया संगीता विष्टको मृत्यु भएको हो । गुडिरहेको गाडी सडकबाट अन्दाजी एक सय मिटर तल खसेको सुर्खेतका प्रहरी प्रमुख एसपी रुपेश खड्काले जानकारी दिनुभयो ।
