६ माघ रुकुम पश्चिम । रुकुम पश्चिमको चौरजहारीमा मोटरसाइकल दुर्घटना हुँदा एक जनाको मृत्यु भएको छ ।जिल्लाको चौरजहारी नगरपालिका –१ लामिछाने गाउँ निवासी ३२ वर्षीय चिरञ्जीवी लामिछानेको आइतवार बिहान दुर्घटनामा परेर मृत्यु भएको हो।
जिल्ला प्रहरी कार्यालय रुकुम पश्चिम प्रहरी नायब उपरीक्षक प्रमेश विष्टका अनुसार चौरजहारी बजारबाट घरतर्फ जाने क्रममा लामिछानेले चलाएको कर्णाली प्रदेश ०३–००१ प ०४७३ नम्बरको मोटरसाइकल अनियन्त्रित भएर दुर्घटना भएको थियो ।
