४ माघ काठमान्डौ । ९ महिनामा विपद्का घटनाबाट परी ६७९ जनाको मृत्यु भएको छ भने ६६ बेपत्ता भएका छन । गृह मन्त्रालयअन्तर्गतको राष्ट्रिय आपत्कालीन कार्यसञ्चालन केन्द्रको तथ्यांकअनुसार बितेको नौ महिनामा ६ हजार ४२४ वटा विपद्का घटना रेकर्ड भएका थिए ।जसमा ६७९ जनाको ज्यान गएको थियो भने अझै ६६ जना वेपत्ता रहेका छन साथै सो अवधिमा ४९ अर्बको क्षति समेत भएको छ । २०८१ वैशाख १ गतेदेखि पुस मसान्तसम्मको नौ महिनाको अवधिमा विपद्का घटनामा परी उनीहरूको ज्यान गएको हो ।
बाढी, पहिरो, भारी वर्षा, आगलागी, चट्याङ, हिमपहिरो, जनावरको आक्रमण लगायतका घटनामा परी उक्त अवधिमा ६७९ जनाको मृत्यु, ६६ जना बेपत्ता र एक हजार ३२३ जना घाइते भएको केन्द्रको तथ्यांकले देखाउँछ ।
