२६ पुस रोल्पा । रोल्पामा सुन्तला बोकेको बोलेरो जिप दुर्घटना हुँदा एक जनाको मृत्यु भएको छ भने तीन जना गम्भीर घाइते भएका छन् ।रोल्पाको माडी गाउँपालिका १ पेँदिखोलादेखि सुन्तला बोकेर दाङको तुलसीपुर जादै गरेको रा १ च ८६८७ नम्बरको पिकअप त्रिवेणी ४ मथुरापानीमा दुर्घटना भएको प्रहरीले जनाएको छ ।
दुर्घटनामा परेर चालक माडी १ भितावाङ घर भएका २० वर्षीय हुकुमबहादुर घर्तीको घटनास्थलमै मृत्यु भएको छ । उकालोमा ब्रेक फेल भएर सहचालक बाहिर झरेको बेला सो गाडी दुर्घटनामा परेको हो । घटनामा परेर त्यही गाडीमा रहेका ३ जना छात्रा गम्भीर घाइते भएका छन् ।त्रिवेणी ४ की १४ वर्षीय दिलमाया घर्ती, वर्ष १२ की रमिता मगर त्रिवेणी २ की ११ वर्षीय करुणा बुढामगर गम्भीर घाइते भएको वलीले जनाए ।उनीहरुलाई उपचारका लागि तुलसीपुर पठाइएको छ ।
