२६ पुस बर्दिया । बर्दिया र बाँकेबाट लागु औषध सहित ३ जना पक्राउ परेका छन । बर्दियाको गुलरिया नगरपालिका ११ गणेशपुरबाट अवैध लागूऔषध ब्राउनसुगर जस्तो देखिने पदार्थ ३ ग्राम ७ सय मिलिग्राम सहित सुर्खेत बीरेन्द्रनगर नगरपालिका ४ भैरव स्थान बस्ने ५० वर्षीय प्रेम पन्तलाई शुक्रबार बिहान प्रहरीले पक्राउ गरेको छ ।यसै गरी बाँकेको नेपालगन्ज उपमहानगरपालिका–१३ लालपुरबाट लागूऔषधसहित दुई जना पक्राउ परेका छन् ।
पक्राउ पर्नेमा कोहलपुर नगरपालिका– २ मनकामना बस्ने २६ वर्षीय शुभम अधिकारी र कोहलपुर नगरपालिका–१ कौशिलानगर बस्ने २६ वर्षकै किरण राना मगर रहेका छन् ।प्रहरीका अनुसार शुभमले चलाएको भे ११ प ६७६५ नम्बरको स्कुटीको पछाडि बसेका किरणको गोजीबाट १ ग्राम ०४ मिलिग्राम ब्राउनसुगर बरामद गरेको प्रहरीले जनाएको छ ।
