३ मंसीर काठमान्डौ । पाकिस्तानविरूद्धको तीन खेलको टी २० सिरिज घरेलु टोली अस्ट्रेलियाले क्लिनस्विप गरेको छ।
सोमबार होबर्टमा भएको तेस्रो खेलमा ७ विकेटको जित निकालेसँगै घरेलु टोलीले सिरिज ३.० ले जितेको हो।सोमबार पाकिस्तानले दएको ११८ रनको लक्ष्य अस्ट्रेलियाले ११.२ ओभरमै ३ विकेट गुमाएर पूरा गर्यो।अस्ट्रेलियाका लागि मार्कस स्टोइनिसले नटआउट ६१ रन जोडे। त्यसअघि मार्थ्यु सर्ट २ रन, जेक म्याकगुर्क १८ रन र जोन इंग्लिस २७ रनमा आउट भएका थिए।टस जितेर पहिले ब्याटिङ गरेको पाकिस्तान भने १८.१ ओभरमा ११७ रनमै अलआउट भयो।
