जाजरकोट । भेरी नगरपालिका वडा नं ४ जाजरकोटले भलिबलकी राष्ट्रिय खेलाडीलाई सम्मान गरेको छ ।
राष्ट्रिय खेलाडी कामना विष्टलाई सम्मानपत्र सहित सम्मान गरेको हो ।
भेरी नगरपालिका वडा नं ४ का वडाध्यक्ष वसन्त प्रसाद शर्माले राष्ट्रको पहिचान र गहनाको रुपमा खेलाडीहरुले देशको नाम उच्च राखेको बताए ।
उनले स्थानीय स्तरमा खेलाडीहरुको उत्पादनमा स्थानीय सरकारले लगानी गर्नुपर्ने र कार्यपालिकामा उठाउने कुरा ब्यक्त गरे ।
शर्माले खेलाडीहरुको आत्मबल र उहाँहरुको छमताको सम्मान गर्दै भावि दिनहरुमा यसरी नै खेलाडीहरुको सम्मान गरिने उल्लेख गरेका छन।
त्यसैगरी कार्यक्रममा बोल्दै कराँतेका राष्ट्रिय खेलाडी एवं रेफ्री विवश विक्रम शाहले जाजरकोटको चेलीलाई यसरी सम्मान गरेकाेमा वडा कार्यालयलाई धन्यवाद दिए ।
उनले स्थानीय स्तरमा राष्ट्रिय खेलाडी उत्पादन गर्न स्थानीय सरकार प्रतिबद्ध हुनुपर्नेमा जाेड दिए ।
