जाजरकोट । नेकपा एमाले निकट नेपाल निजामती कर्मचारी संगठन, जाजरकोट अध्यक्षमा निराजन बिसी चयन भएका छन् । सनिबार सम्पन्न ११ औं जिल्ला अधिवेशनले बिसीलाइ अध्यक्षमा निर्विरोध निर्वाचित गरेको हो ।
सम्पन्न जिल्ला अबिधेशनले बिसीको अध्यक्षतामा १९ सदस्य जिल्ला समिति निर्विरोध निर्वाचित गरेको छ । अबिधेशनले उपाध्यक्षमा चन्द्र बहादुर भारती, महिला उपाध्यक्षमा लक्ष्मी रोकाय पुन, सचिवमा कृतिबहादुर थापा, सह सचिवमा भिमबहादुर केसी, कोषाध्यक्षमा भूप बहादुर वलीलाइ निर्विरोध निर्वाचित गरेको छ ।
लेखापरिक्षण आयोगमा रभराज पुनलाइ संयोजक र छत्रबहादुर हमाललाइ सदस्यमा अधिवेशनले निर्विरोध निर्वाचित गरेको छ । केन्द्रीय प्रतिनिधिमा टकेन्द्र रोकाय, पवन थापा, नवराज वली, अन्जना हमाल, वीरबहादुर चन्द र रत्न बहादुर डाँगी निर्विरोध निर्वाचित गरेको अधिवेशनले प्रदेश प्रतिनिधिमा यज्ञबहादुर अधिकारी, भद्रबहादुर शाही, प्रयागदत्त धिताल, कमल ढुंगाना, लक्ष्मी रोकाय वलीलाइ निर्विरोध निर्वाचित गरेको निर्वाचन समितिले जानकारी दिएको छ ।
