७ जेष्ठ २०८१, सोमबार
७ जेष्ठ २०८१, सोमबार
एकीकृत समाजवादीको चुनावी अभियान–‘ जनतामा जाउँ, एकीकृत समाजवादीलाई जिताउँ’
एकीकृत समाजवादीको चुनावी अभियान–‘ जनतामा जाउँ, एकीकृत समाजवादीलाई जिताउँ’

भूगोलमै गएर वास्तविक अवस्थाको जानकारी लिने तयारीमा एकीकृत समाजवादी

  • paschimpatra

काठमाण्डौ । नेकपा एकीकृत समाजवादीले आगामी स्थानीय तहको निर्वाचनका लागि सातै प्रदेशमा केन्द्रीय नेताहरु खटाउने भएको छ । ‘जनतामा जाउँ, एकीकृत समाजवादीलाई जिताउँ’ भन्ने मूल चुनावी नारा सहित एकीकृत समाजवादी भूगोलमा गएर बास्तविक अवस्था पहिचान गर्ने भएको हो ।

बिहीबार बसेको पार्टीको सचिवालय बैठकको निर्णय सार्वजनिक गर्दै पार्टीका प्रचार विभाग प्रमुख एवम् उपमहासचिव जगन्नाथ खतिवडाले पार्टीले ७ बटै प्रदेशमा नेताहरु खटाउने निर्णय गरेकोबताउनु भयो ।

जस अनुसार प्रदेश १ मा उपमहासचिव प्रमेश हमाल, मधेश प्रदेशमा उपमहासचिव जगन्नाथ खतिवडा, बागमती उपमहासचिव गंगालाल तुलाधार, गण्डकीमा उपाध्यक्ष जयनन्ती राई, लुम्बिनीमा उपमहासचिव विजय पौडेल, कर्णालीमा महासचिव बेदुराम भुसाल र सुदूरपश्चिममा सचिवालय सदस्य रामचन्द्र झालाई जिम्मेवारी तोकेको छ ।

अनुगमनमा खटिने नेताहरुले सातैवटा प्रदेश, वडा, गाउँ र पालिकासम्म पार्टीको वास्तविक अवस्थाको रिपोर्टिङ गरी सोही अनुसार आगामी रणनीति बन्ने खतिवडाले बताउनु भएको छ । सातैवटा प्रदेशमा केन्द्रीय कार्यालयबाट अनुगमन गर्न नेताहरु पठाउने निर्णय भएको छ । यो टोलीले सातैवटा प्रदेशमा गरेको कामको रिपोर्टिङ ल्याउनेछन् । वडा, गाउँ र पालिकासम्मको हाम्रो वास्तविक अवस्थाको रिपोर्टिङ आउनेछ। हामी वास्कतवि सूचना ल्याउने छौँ। त्यही अनुसार हामी रणनीति बनाउनेछौँ, खतिवडाले भन्नुभयो ।

  • ३ चैत्र २०७८, बिहीबार प्रकाशित
  • Nabintech