१२ कात्तिक बर्दिया । भरुवा बन्दुक सहित बर्दियामा ३ जना पक्राउ परेका छन ।
जिल्लाको मधुवन नगरपालिका–३ स्थित कोठिया सामुदायिक वनबाट एक थान भरूवा बन्दुकसहित बर्दिया राजापुर नगरपालिका १० नर्सरीका ६३ वर्षिय चन्द्रबहादुर भण्डारी सोहि स्थानका ३८ वर्षिय शुकुमराज चौधरी र सोहि स्थानका ५६ वर्षिया श्यामकुमार गौतम रहेको जिल्ला प्रहरी कार्यालय गुलरिया बर्दियाका प्रहरी नायव उपरिक्षक श्रृषिराम घर्ति मगरले जानकारी दिनु भयो ।
पक्राउ परेकाहरु नेपाल भारत सीमा क्षेत्रको जंगलमा शिकार खेल्न गएको हुन सक्ने बताइएको छ । प्रहरीले सूचनाको आधारमा आइतवार पक्राउ गरेको जनाउदै आज सार्वजनीक गरेको हो । प्रहरीले थप अनुसन्धान गरिरहेको जनाएको छ ।
