९ चैत्र २०७९, बिहीबार
९ चैत्र २०७९, बिहीबार
बजार क्षेत्रमा जडान गरिएका अधिकांश सिसि क्यामेरा प्रयोग विहिन
बजार क्षेत्रमा जडान गरिएका अधिकांश सिसि क्यामेरा प्रयोग विहिन

अपराधिक क्रियाकलाप बढ्न सक्ने प्रहरीको चिन्ता

  • paschimpatra

जाजरकोट । खलंगा बजार क्षेत्रमा जडान गरिएका अधिकांश सिसि क्यामेरा प्रयोग विहिन भएका छन । बजार क्षेत्रको सुरक्षाको लागि भन्दै जडान गरिएका अधिकांश सिसि क्यामेरा अहिले बन्द अवस्थामा छन ।

भेरी नगरपालिकाको १२ लाख बजेटमा ३ वर्ष अघि जडान गरिएका २५ वटा क्यामरा मध्य हाल १६ वटा क्यामरा प्रयोग विहिन अवस्थामा रहेका छन । जसमध्य प्रहरी कार्यालय परिसर भित्रका ६ वटा संगै शान्तीचौतारा स्थित बसपार्क क्षेत्रका २ वटा, र नेपाल बैंकको पुरानो कार्यालय नजिकको १ वटा गरी जम्मा ९ वटा सिसि क्यामेरा मात्र प्रयोगमा रहेको जिल्ला प्रहरी कार्यालय जाजरकोटले जनाएको छ ।

३ वर्ष अगाडी जडान गरिएका क्यामरा बिग्रिय पछि भेरी नगरपालिकाको थप २ लाख ५० हजार र प्रहरी कार्यालयको १ लाख ६० हजार गरी जम्मा ४ लाख १० हजार बजेटले गत भदौमा मर्मत गरिएको भएपनि असोजमा परेको चट्यांगले १६ वटा क्यामेरा फालेको जिल्ला प्रहरी कार्यालय जाजरकोटका प्रहरी प्रमुख डिएसपी मधुकुमार थापाले जानकारी दिनुभयो । प्रयोग विहिन भएका क्यामरा मर्मतका लागि नगरपालिका संग आवश्यक बजेट माग गरिएको समेत डिएसपी थापाको भनाई छ ।

बजार क्षेत्रका महत्वपुर्ण स्थानमा जडान गरिएका सिसि क्यामेराका कारण अपराधिक क्रियाकलाप न्युनिकरणमा सहयोग पुगेको भन्दै केहि समय अघि शिवालय गाउँपालिकाको आर्थिक सहयोगमा छेडाबजारमा समेत सिसि क्यामरा जडान गरिएको छ । गाउँपालिकाको १ लाख ८० हजार बजेटमा बजारको विभिन्न ४ ठाउँमा क्यामरा जडान गरिएको र तत्काल रिम्ना बजार र मटेला बजारमा सिसि क्यामेरा जडानको योजना रहेको डिएसपी थापाको भनाई छ ।

  • २ फाल्गुन २०७८, सोमबार प्रकाशित
  • Nabintech