१६ साउन जाजरकोट । लगातारको वर्षाका कारण पहिरोको उच्च जोखिम भएपछि जाजरकोटका १२ परिवारका ६५ जना सदस्यहरुलाई सुरक्षित स्थानमा सारिएको बताइएको छ ।
जाजरकोटको जुनीचाँदे गाउँपालिका–३ स्याँला गाउँका १२ घरपरिवारलाई सुरक्षित स्थानमा सारिएको जिल्ला प्रहरी कार्यालय जाजरकोटले जानकारी दिएको छ ।
अविरल वर्षाका कारण गाउँको माथिल्लो भिरलो भागबाट पहिरो खस्ने जोखिम बढेकाले परिवारलाई नै सारिएको जाजरकोटका प्रहरी प्रमुख डिएसपी पुरूषोत्तम प्रसाद पाण्डेले जानकारी दिनु भयो ।
