१८ चैत काठमान्डौ । पुर्व राजाको समर्थकमा शुक्रवार भएको घटनामा राष्ट्रिय स्वतन्त्र पार्टी रास्वपाका नेता समेत सहभागी भएको पाइएको छ । प्रहरीका अनुसार यसरी हिंसात्मक आन्दोलनमा रास्वपाका खोटाङ जिल्ला पूर्व सभापति डा राजकुमार राई सहभागी भएको खुलेको हो।
तीनकुने आन्दोलन र हिंसामा सहभागी भएकालाई आइतबार काठमाडौं प्रहरीले म्याद थपका लागि अदालतमा उपस्थित गराउँदा राईसमेत आन्दोलनमा सहभागी भएको खुलेको हो। प्रहरीले राईलाई आइतबार पाँच दिन म्याद थप गरेर अनुसन्धान अगाडि बढाएको छ।राई खोटाङको रावाबेसी गाउँपालिका १ का हुन्। उनलाई पाँच दिन थुनामा राखेर अनुसन्धान गर्न आइतबार मात्र काठमाडौँ प्रहरीले जिल्ला अदालत काठमाडौंबाट समय पाएको छ।
राई रास्वपाको निर्वाचन क्षेत्र समिति खोटाङका पूर्व सभापति रहेको खुलेको छ ।राई राजावादी नभएर रास्वपाका खोटाङका चर्चित नेता हुन्। यिनै राई गत पुस १३ गते सम्पन्न खोटाङ जिल्ला अधिवेशनमा अध्यक्ष पदमा पराजित भएका थिए। उनलाई पराजित गर्दै मुकुन्दकृष्ण थापा जिल्ला अध्यक्ष बनेपछि उनी पार्टीमा निस्क्रिय भएको खुलेको छ।रास्वपा जिल्ला अध्यक्षका पराजित भएपछि पार्टीमा निस्क्रिय भएका राई राजावादी समूहमा सक्रिय भएको खुलेको छ।
