३१ भदौं काठमान्डौं । जेन जीको प्रदर्शनका क्रममा सिंहदरबार र आसपासका सरकारी कार्यालयमा गरी ४सए ४१ वटा साना ठूला सवारी साधनमा आगजनी तथा तोडफोड भएको पाइएको छ।त्यस्तै ६०१ वटा मोटरसाइकल तथा स्कुटरमा आगजनी र तोडफोड भएको प्रारम्भिक तथ्यांक सरकारी कार्यालयले निकालेको छ।अर्थमन्त्रालयको ३६ वटा चार चक्के र ५४ वटा दुई चक्केमा आगजनी भएको छ।
गृहमन्त्रालयको २५ वटा चार चक्के र ३० वटा दुई चक्केमा क्षति पुगेको छ। कृषि तथा पशुपन्छी विकास मन्त्रालयको ९ साना–ठूला सवारी साधन र ३९ वटा मोटरसाइकल तथा स्कुटरमा क्षति पुगेको छ।सरकारी कार्यालयहरूको प्रारम्भिक तथ्यांकानुसार प्रधानमन्त्री तथा मन्त्रिपरिषद् कार्यालयको ४७ साना–ठूला सवारी र ७४ वटा दुई पांग्रे सवारी साधनमा आगजनी भएको छ।संघीय मामिला तथा सामान्य प्रशासन मन्त्रालयका ३२ साना गाडी, दुई ठूला बस, ३९ मोटरसाइकल एवम् स्कुटरमा आगजनी भएको छ।संघीय संसद् अन्तर्गत १८ वटा चार चक्के, ३६ वटा मोटरसाइकल तथा स्कुटरमा क्षति पुगेको छ।वन तथा वातावरण मन्त्रालयका १७ साना–ठूला सवारी साधन, १० वटा मोटरसाइकल तथा स्कुटरमा आगजनी भएको छ।
राष्ट्रिय प्राकृतिक स्रोत तथा वित्त आयोगका ९ वटा दुई चक्केमा क्षति पुगेको छ।शिक्षा, विज्ञान तथा प्रविधि मन्त्रालयका २६ वटा चार चक्के र ४७ मोटरसाइकल तथा स्कुटरमा क्षति पुगेको छ। युवा तथा खेलकुद मन्त्रालयका १९ चार चक्के र २३ वटा दुई चक्केमा आगजनी भएको सरकारी कार्यालयहरूले प्रारम्भिक आकलन गरेका छन्।बग्गीखानामा रहेको काठमाडौं उपत्यका ट्राफिक प्रहरी कार्यालयका १८ वटा साना–ठूला सवारी ३९ वटा मोटरसाइकलमा आगजनी भएको छ।सर्वोच्च अदालतका ५१ वटा साना–ठूला सवारी र मोटरसाइकलको आगजनीको यकिन नै हुन सकेको छैन।स्वास्थ्य तथा जनसंख्या मन्त्रालयका २२ वटा सानाठूला सवारी र १४ वटा दुई पांग्रेमा आगजनी भएको छ।सहरी विकास तथा भवन निर्माण विभागको ५० वटा साना–ठूला सवारी र २०० माथि मोटरसाइकल तथा स्कुटरमा आगजनी भएको छ।सडक विभागका ६५ साना–ठूला सवारीमा आगजनी गरेर ध्वस्त बनाइएको छ।
