३ असार २०८१, आईतवार
३ असार २०८१, आईतवार
 शिवालय गाउँपालिकाले गर्याे कृषि तथा पशुपन्छी ऐन पास
 शिवालय गाउँपालिकाले गर्याे कृषि तथा पशुपन्छी ऐन पास
  • paschimpatra

जाजरकोट । शिवालय गाउँपालिकाको १३ औँ गाउँ  सभाले स्थानीय कृषि तथा पशुपन्छी ऐन, २०८० पास गरेको छ ।

पालिकाबाट उपलब्ध गराईने कृषिसंग सम्बन्धित सेवा सुविधालाई ब्यवस्थित तरीकाले प्राथमिकताको आधारमा वितरण गर्ने र कृषि पेशाको संरक्षण र किसानको जीवनस्तरको प्रवद्र्धनको ब्यवस्था मिलाउन उदेश्यले पहाडी क्षेत्र विकास अभियानको सहजिकरणमा शिवालय गाउँपालिकाले  गाउँ सभाबाट कृषि तथा पशुपन्छी ऐन पास गरेको हाे ।

सेभ द चिल्ड्रेनको श्रोत साझेदारीमा संचालित अवसर दोश्रो परियोजना अन्तर्गत पहाडी क्षेत्र विकास अभियानले कृषि पेशाको संरक्षण र किसानको जीवनस्तरको प्रवद्र्धनको ब्यवस्था मिलाउन यस अभ्यासमा प्रकृया सहजिकरण गरेको थियो ।

नेपालको संविधान प्रद्धत्त किसानको मौलिक हक र नागरिकको खाद्य सम्प्रभुता एवं खाद्य सम्बन्धी हकको सुनिश्चितता र समग्र किसानको सशक्तिकरण गर्दै कृषि प्रणाली तथा यसको मुल्य शृंखलामा सुशासन कायम गर्न; कृषि प्रणालीलाई दिगो साथै यस क्षेत्रमा समतामुलक विकासको अभ्यास गर्नको लागि स्थानीय सरकारसंग मिलि स्थानीय कृषि नीति तर्जुमा तथा कार्यन्वयनमा अवसर दोश्रो परियोजनाबाट सहजीकरण भैरहेको परियोजना संयोजक बिष्णु पन्थले बताउनुभयो ।

शिवालय कृषि शाखा प्रमुख विश्वामित्र खनालले स्थानीय सरकारले किसानको हक र कृषि हितमा काम गरिरहेको छ र यो ऐनले कृषि सेवा व्यवस्थित हुने, जोखिममा रहेका किसानलाई सेवा पहुँचमा अग्राधिकारको आधार तय गर्ने साथै किसानलाई सेवा सुविधा साथै सामाजिक सुरक्षाको अभ्यास गर्नको लागि सरकारलाई सहयोग गर्ने बताउनुभयो ।

कृषि पेशालाई मर्यादित बनाउन र किसान अधिकार सुनिस्चित गर्न, किसानको वर्ग अनुसार सेवा सुबिधा प्रदान गर्न, अनुदान र वितरणको सहज बनाउन यो ऐनले बाटो खोलेको र शिवालय गाउँपालिकाले आलु, माछा, चिया, कफीको व्यवसायीकरणमा अन्य कृषि वस्तु संगै प्राथमिकतामा राखेर अगाडी बढेको पालिका प्रमुख शेर बहादुर शाही ज्यूले बताउनुभयाे।

  • २७ माघ २०८०, शनिबार प्रकाशित
  • Nabintech