काठमाडौं । सोमबारदेखि सुरु भएको ‘काभा वुमन्स च्यालेन्ज कप भलिबल’ प्रतियोगितामा घरेलु टोली नेपालले विजयी सुरुवात गरेको छ ।
त्रिपुरेश्वरस्थित राष्ट्रिय खेलकुद परिषद्को कबर्डहलमा भएको खेलमा नेपालले किर्गिस्तानलाई ३-० ले हराउँदै सुखद सुरुवात गरेको हो । पहिलो सेट २५-११, दोस्रो २५-१९ र तेस्रो सेट २५-११ ले किर्गिस्तानलाई हराउँदै नेपाल विजयी बन्यो ।
आजैदेखि काठमाडौंमा सुरु भएको प्रतियोगिताको उद्घाटन खेलमा नेपालले किर्गिस्तानसँग खेल्दै प्रतियोगिताको सुरुवात गरेको हो ।
नेपालले अब अर्को खेल मंगलबार बंगलादेशसँग खेल्ने छ ।
