७ जेष्ठ २०८१, सोमबार
७ जेष्ठ २०८१, सोमबार
पूर्वमन्त्री डा. मथुराप्रसाद श्रेष्ठको ८८ वर्षको उमेरमा निधन
पूर्वमन्त्री डा. मथुराप्रसाद श्रेष्ठको ८८ वर्षको उमेरमा निधन
  • न्युज डेस्क

काठमाडौं । पूर्व स्वास्थ्यमन्त्री प्रा डा मथुराप्रसाद श्रेष्ठको ८८ वर्षको उमेरमा निधन भएको छ । लामो समयदेखि दम र छाती रोगका सङ्क्रमणको उपचारमा रहनुभएका मानवअधिकार क्षेत्रका अगुवा श्रेष्ठको आज बिहान माइतीघरस्थित अन्नपूर्ण न्यूरो अस्पतालमा निधन भएको उहाँका छोरा डा जया श्रेष्ठले जानकारी दिनुभयो ।

वामपन्थी बुद्धिजीवी श्रेष्ठ चिकित्सकले समुदायमै गएर उपचार गर्नुपर्छ भन्ने मान्यतालाई अघि बढाउनुभएको थियो ।

विसं २०४६ मा प्रजातन्त्रको पुनर्बाहाली भएपछि बनेको सरकारमा उहाँ नागरिक समाजका तर्फबाट स्वास्थ्यमन्त्री हुुनुहुन्थ्यो । उहाँका छ छोरा र एक छोरी हुनुहुन्छ । सभामुख देवराज घिमिरे, एमाले अध्यक्ष केपी शर्मा ओलीलगायत वामपन्थी नेताहरुले उहाँको निधनमा दुःख व्यक्त गर्नु भएको छ । उहाँको मङ्गलबार पशुपति आर्यघाटमा दाह संस्कार गरिनेछ ।

  • ८ फाल्गुन २०७९, सोमबार प्रकाशित
  • Nabintech