१३ मंसीर सुर्खेत । सवारी दुर्घटनामा मृत्यु भएका पत्रकार विरेन्द्र आचार्यको विषयलाई लिएर स्थानिय क्षेत्र विहानै देखि तनाव पुर्ण रहेको छ ।
शुक्रबार राति वीरेन्द्रनगर–२ को वडा कार्यालय अगाडिको सडकमा मुलपानीबाट भुरेली जाँदै गरेको यामबहादुर शाहीले चलाएको मोटरसाइकल र पत्रकार आचार्य चढेको स्कुटर एक–आपसमा ठोक्किँदा आचार्य गम्भीर घाइते भएका थिए। अस्पताल पुर्याएपछि चिकित्सकले उनलाई मृत घोषणा गरेका थिए।दुर्घटनामा मोटरसाइकल चालक शाही पनि घाइते छन्। उनको टाउको र शरीरका विभिन्न भागमा चोट लागेको र अवस्था मध्यम रहेको प्रहरीले जनाएको छ।आचार्य रेडियो तिला आवाज कालिकोटका स्टेसन म्यानेजर र प्रेस सेन्टर कालिकोटका अध्यक्ष समेत थिए ।आचार्यका आफन्तलाई घटनास्थलमै गम्भीर त्रुटि भएको शंका छ।
प्रहरीले रातारात प्रमाण नष्ट गर्ने गरी काम गरेको, मुचुल्का नउठाई पानी खन्याएको जस्ता आरोप उनीहरूले सार्वजनिक गरेका छन्। यही कारण शनिबार बिहानदेखि उनीहरूले सडकमै उत्रिएर आवाज उठाएका हुन्।मुलपानी चोक, एरिचोकलगायतका स्थानमा प्रदर्शनकारीले टायर बालेर अवरुद्ध गरेपछि सवारी आवागमन प्रभावित बनेको छ आचार्यका आफन्त र स्थानीयले सडक अवरुद्ध गर्दै घटना ‘सन्दिग्ध’ भएको दाबी गर्दै छानबिन कडा माग गरेका छन्।
