१३ असोज काठमान्डौ । धादिङ जिल्लाको झ्याप्लेखोलामा पहिरोले पुरिएका बसबाट हाल सम्म १७ जनाको शव निकालिएको छ।लु १ ज ४५७८ नम्बरको माइक्रो बसबाट ५ वटा र नम्बर नखुलेको बसबाट ९ जना र थप ३ जनाको शव गरी हालसम्म जम्मा १७ जनाको शव भेटिएको प्रहरीले जानकारी दिएको छ ।

शव हाल घटनास्थलमा राखिएको छ। अन्यको खोजी भइरहेको प्रहरीले जनाएको छ।देशका विभिन्न भेगबाट राजधानी काठमाडौँ प्रवेश गर्ने नौबीसे–नागढुंगा सडक ठाउँ ठाउँमा पहिरो गएपछि बिहीबार साँझदेखि अवरुद्ध छ। अहिले पहिरो पन्छाउने काम भइरहेको छ। निरन्तरको वर्षा, पहिरो र लेदो माटोका कारण पृथ्वी राजमार्गको नौबीसे–मुग्लिन खण्ड क्षतविक्षत छ।